Në koleksionin e tij të parë Haute Couture për Chanel, Matthieu Blazy nuk i kushtoi vëmendje vetëm veshjeve. Një nga detajet që tërhoqi më shumë vëmendje ishin këpucët, të konceptuara si pjesë e së njëjtës histori magjike që përshkoi të gjithë koleksionin Vjeshtë/Dimër 2026-27.
Frymëzimi vjen nga bota e përrallave dhe, veçanërisht, nga ‘Xheku dhe fasulja magjike’, një histori që lidhet edhe me librin Les Fées, Contes des Contes, pjesë e bibliotekës personale të Gabrielle Chanel. Pikërisht kjo botë imagjinare u bë pikënisja e Matthieu Blazy për debutimin e tij në Haute Couture.
Në pasarelë, çdo palë këpucë dukej si një objekt i vogël arti. Takat u transformuan në elemente që kujtonin fasulet magjike, kashtën, fluturat apo personazhet e përrallave, ndërsa detajet e punuara me mjeshtëri i largonin ato nga ideja e një aksesori të zakonshëm. Nuk ishin krijuar vetëm për të plotësuar një veshje, por për të vazhduar rrëfimin që koleksioni ndërtonte nga fillimi deri në fund.
Kjo është një nga arsyet pse debutimi i Blazy-t për Chanel u komentua gjerësisht gjatë Javës Haute Couture në Paris. Stilisti zgjodhi të ndërtonte magjinë përmes detajeve, duke i kthyer edhe këpucët në pjesë të një historie që të rikthen te imagjinata e fëmijërisë.
– THELB,
